Ang Pluma at Papel

Ito ay magsisilbing inspirasyon bilang isang koleksiyon ng mga tula na aantig sa inyong puso't isipan. Mula ito sa kaibuturan ng aking kaluluwa na hindi inindi ang danas ng aking puyat at pagod habang walang pag-aalinlangan ko itong isinulat. Sadyang pili at masinop ang mga salitang nakapaloob dito maging ang dalumat at haraya ng aking panulat ay mabusising siniyasat mabuo lamang ang librong ito. Kaya naman sama-sama nating tuklasin ang bawat pahina nito hanggang sa tuluyang maarok ang nais na ipabatid ng aking Pluma at Papel para sa lahat ng mambabasa.